Hodhi gruan nga pallati, çifti sapo ishte kthyer nga Gjermania

00:50 | 4 Dhjetor 2016
Trina Galanxhi

Gruaja e cila është hedhur nga pallati ku jetonte, nuk kishte pak kohë që ishte kthyer me burrin e saj nga Gjermania, pasi kishin shkuar për të përfituar azil politik.

Dëshmitarët janë shprehur se janë tmerruar kur kanë parë ngjarjen e rëndë, ku gruaja e zhveshur është hedhur nga burri i saj.

Edhe burime nga blutë e Fierit konfirmojnë nga hetimet paraprake se
dyshohet që gruan ta ketë hedhur nga pallati burri i saj, pas një sherri të çastit mes tyre.

Dy bashkëshortët kishin pak kohë që ishin kthyer nga Gjermania së bashku me dy fëmijët e tyre, ku mësohet se kishin shkuar për të përfituar azil politik.

Mësohet gjithashtu se autoritetet gjermane kanë refuzuar kërkesën e çiftit shqiptar, ç’ka ka bërë që ata të rikthehen në vendlindje, në Fier./albeu/Arbresh.info