Për t’i paraprirë samitit të 13 dhjetorit të liderëve të Ballkanit Perëndimor dhe atyre të Unionit Europian, ministrat e Jashtëm të të dy këtyre pjesëve të kontinentit tonë u ulën përballë njërit-tjetrit po në Bruksel në një konferencë të thirrur nga miqtë e Europës.
Ministri i Jashtëm i Shqipërisë, Igli Hasani në mënyrë të përsëritur artikuloi qëndrimin e Shqipërisë që vazhdon të jetë gati për hapjen e kapitujve të parë të anëtarësimit.
“Të jeni të sigurt se mesazhi që do të merrni nga Tirana është një i vetëm: Jemi të fokusuar tek objektivi për tu bërë anëtar i Bashkimit Evropian, pa lidhëzat “por”, apo “nëse”.
Hasani kërkon që procesi anëtarësimit të mos udhëhiqet nga paragjykimet, por rezultatet e vendeve kandidate.
“Nëse do të përdorja metaforën e fëmijëve të vegjël, deri tani jemi përgatitur për provime dhe tashmë jemi gati të hyjmë në provim. Por disa prej neve po na vihet në dukje pse jemi veshur kështu e ashtu, apo modeli i papërshtatshëm i flokëve. Në fakt i rëndësishëm është provimi dhe kjo është diçka për të cilën do të vazhdojmë jo vetëm të përgatitemi, por edhe ta realizojmë me suksese”.
Në samitin e 13 dhjetorit, por dhe atë të Këshillit Europian që do të mbahen në 14 dhe 15 dhjetor do të diskutohet mbi rreziqet që kanë kërcënuar dhe që ende përbëjnë kërcënim për rajonin e Ballkanit dhe do këtë propozime konkrete për tejkalimin e tyre./tvklan
Si të bëni gjumë të rehatshëm
Tri mënyrat më të mira për t’i larguar dhimbjet e djegies ng...
Sarr largohet nga Chelsea, kthehet në Francë për të rigjetur...
Trump: Komentet e Kamala Harris për luftën në Gaza pasqyrojn...
Kurti u uron suksese sportistëve nga Kosova që po marrin pje...
Policia e Tropojës: Kemi kërkuar helikopter për të nxjerrë t...