Një farmaci është grabitur mbrëmjen e sotme në Tiranë.

Ngjarja ka ndodhur në rrugën “Bardhok Biba” në kryeqytet, ku një person ende i paidentifikuar dyshohet se nën kërcenimin e armës ka vjedhur në një farmaci.

Policia ka shkuar në vendngjarje dhe është vënë në ndjekje të autorit. Në akset aty pranë janë ngritur pika të shumta kontrolli.

Njoftimi i policisë:

Tiranë/Informacion paraprak

Më datë 26.01.2021, rreth orës 20:13, në rrugën “Bardhok Biba”, një person ende i paidentifikuar dyshohet se nën kërcenimin e armës ka vjedhur në një farmaci.

​Sherbimet e Policisë menjeherë kanë ngritur pika kontrolli dhe po bëhet krehja e zonës në afërsi të vendit të ngjarjes me sherbime të shtuara.

Grupi hetimor ndodhet në vendngjarje dhe po punon për fiksimin e çdo prove që do çojë në identifikimin dhe kapjen e autorit./TCH