Pushimet verore në Shqipëri, mesa duket nuk kanë shkuar dhe aq mirë për dy turistë të huaj. Policia e Vlorës ka njoftuar se një 30 vjeçar nga Ukraina së bashku me bashkëshorten e tij janë aksidentuar gjatë ditës së djeshme ndërsa ishin duke udhëtuar me motor.

Sipas policisë 30-vjeçari M.M dhe bashkëshortja e tij 31-vjeçarja K.Z kanë dalë nga rruga dhe janë rrëzuar, ndërsa janë dërguar menjëherë në spital ku ju është dhënë ndihma e parë,. Dy të huajt janë jashtë rrezikut për jetën. Ndërkohë që e njëjta histori është përsëritur edhe në qytetin e Sarandës. Ku një 38 vjeçar polak së bashku me vajzën e tij 17-vjeçaren M.B.C janë rrëzuar sërish nga motori në rrugën që të çon tek Syri i Kaltër.

Njoftimi i policisë:

Më datë 07.07.2017, u referuan materialet në Prokurorinë e Rrethit Gjyqësor Vlorë, për shtetasin M. M, vjeç 30,  banues në Ukrainë, pasi rreth orës 19:00, në Sarandë përballë hotel ‘’Mediterrane’’, duke drejtuar ‘’Piaggio’’, ka dalë nga rruga, për pasojë janë aksidentuar drejtuesi dhe bashkëshortja e tij K. Z. vjeç 31, banuese në Ukrainë, të cilët  pas ndihmës mjekësore u larguan pa probleme për jetën. Neni 290 i Kodit Penal. Më datë 07.07.2017,u referuan materialet në Prokurorinë e Rrethit Gjyqësor Sarandë, për shtetasin polak , vjeç 38, banues në Poloni, pasi në orën 14:20, në rrugën Syri i Kaltër-Sarandë, duke drejtuar motorin, është aksidentuar bashkë me vajzën me iniciale M.B.C, vjeç 17, banuese në Poloni, të cilët ndodhen në spital për ndihmë mjekësore. Neni 290 i Kodit Penal.