Një tjetër ngjarje e ngjashme me atë të Lefter Zhidrus, ka ndodhur ditën e sotme në Elbasan.

Një person i armatosur kërcënon me armë zjarri punonjësit e policisë.

Ngjarja ka ndodhur pasditen e sotme në fshatin ‘Zavalinë’ të Elbasanit.

Mësohet se policia ka shkuar në banesën e qytetarit për të bërë një kontroll, pas denoncimeve të banorëve se qëllonte me armë.

Ndërkohë, ky person është përgjigjur duke qëlluar edhe në drejtim të efektivëve dhe më pas është larguar drejt zonës së pyllëzuar.

Në vendngjarje kanë mbërritur edhe forcat e RENEA-s dhe deri tani nuk raportohet për persona të lënduar.