Diaspora nis votimin/ Rama: Mirënjohje atyre që do votojnë, ua shpërblefsha me pasaportën europiane të Shqipërisë

09:21 | 16 Prill 2025
E.K

Kryeministri i Shqipërisë, Edi Rama ka publikuar një foto emocionuese të një familjeje shqiptare që pozojnë me zarfin e fletës së votimit për zgjedhjet e 11 majit.

Në postimin e tij në rrjetet sociale, Rama ka theksuar se do t’ua shpërblejë votën shqiptarëve në diasporë me anëtarësimin e Shqipërisë në Bashkimin Europian.

Sa prekëse e njëkohësisht frymëzuese kjo foto kaq simbolike e një familjeje shqiptarësh të Europës, për përpjekjen tonë të përbashkët për Shqipërinë 2030. Faleminderit me mirënjohje dhe ju’a shpërblefsha me pasaportën europiane të Shqipërisë e me një Shqipëri zonjë në Bashkimin Europian, e cila për çunin e vogël dhe bashkëmoshatarët e tij të mos jetë më kurrë një vend banorësh të dorës së dytë të Europës”, tha Rama./Arbresh.info