Berisha thirrje qytetarëve t’i bashkohen protestës së 10 shkurtit: Zëri ynë i ka tronditur në themel

18:53 | 2 Shkurt 2026
E.H

Në foltoren e kësaj të hëne, kryetari i PD-së, Sali Berisha ka deklaruar se nuk do t’i ndalë protestat, deri sa të rrëzojë qeverinë.

“Do dalim në protesta deri në fitore, sepse i besojmë Zotit por i besojmë edhe shqiptarëve. Zëri ynë ka tronditur në themel këtë regjim”, tha Berisha teksa bëri thirrje për pjesëmarrje në protestat kombëtare që PD thërret, dhe e fundi e njoftuar është në 10 shkurt.

“10 shkurti është dita tjetër e kryengritjes tonë paqësore. Në të katër anët ftohen në rrugë dhe sheshet e Tiranës të gjithë qytetarët për t’i dhënë leksionin e merituar këtij regjimi antishqiptar. Thirrje ime është për të rinjtë dhe të rejat e këtij vendi. Të bashkohemi se jemi drejt fitores”, tha Berisha./tch