Berisha nga Saranda: Pensionet janë qesharake, shqiptarët më të vjedhurit në Evropë

20:58 | 24 Prill 2025
R J

Sali Berisha, kryetari i Partisë Demokratike, pati tubimet elektorale të radhës në Sarandë.

Sipas Euronewsalbania, ai deklaroi se që nga viti 2013, çmimet e ushqimeve janë dyfishuar dhe se shqiptarët sipas tij janë qytetarët më të vjedhur në Evropë.

Ai tha se sarandiotët po përjetojnë tiraninë e mjerimit dhe se pensionet e tyre janë qesharake.

“Saranda sot është qyteti i burrave dhe grave të moshuar, të cilët pasi kanë shkrirë jetën e tyre në këtë rreth, përjetojnë një mbijetesë me një pension të pamerituar. Sot, punëtori i ndërtimit, i fermës, mjeku, mësuesi, inxhinieri, profesionisti, jeton me një pension që vështirëson ushqimin e përditshëm, i detyron t’u thonë fëmijëve: kaq ka, këtu nuk ka më për ju”, tha Berisha.