Begaj e Spiropali takojnë Richard Grenellin në New York: Fuqizimi i marrëdhënieve Shqipëri–SHBA mbetet prioritet

20:00 | 25 Shtator 2025
E.G

Ministrja për Evropën dhe Punët e Jashtme e Shqipërisë, Elisa Spiropali dhe presidenti i Shqipërisë, Bajram Begaj janë takuar në New York me Emisarin Special të Presidentit Donald Trump për Misionet e Posaçme, Richard Grenell.

Përmes një njoftimi në rrjete sociale, Spiropali tha se fuqizimi i marrëdhënieve mes Shqipërisë dhe Shteteve të Bashkuara mbetet një prioritet kryesor për qeverinë shqiptare, duke theksuar angazhimin për thellimin e bashkëpunimit ekonomik.

Ajo ka rikonfirmuar se aleanca e Shqipërisë me ShBA-të është “e palëkundur” dhe një objektiv strategjik i politikës së jashtme të vendit.

Takimi u zhvillua në kuadër të Javës së Nivelit të Lartë të Sesionit të 80-të të Asamblesë së Përgjithshme të Kombeve të Bashkuara.