Kryetari i Partisë Demokratike (PD), Lulzim Basha duke folur sonte nga “Çadra e lirisë”, deklaroi se ata që duan vetingun janë me opozitën dhe se ata që nuk e duan, kanë vendosur të rreshtohen me republikën e vjetër.

“Ne jemi këtu derisa ta përmbysim republikën e vjetër dhe të nisim jetën e një Shqipërie të re, ku sundon ligji. Ndaj sa hymë në ditën e 11 të protestës, ata shpiken vetingun. Lulzim Basha e votoj vetingun më 21 korrik për të pastruar drejtësinë nga të korruptuarit, por Edi Rama kaloi 6 nga 7 ligjet pa konsensues”, tha Basha.

Bashak pohoi se nuk do të pranojnë kurrë një drejtësi të kapur.

“Ne do ndërtojmë republikën e re, e cila fillon me përgatitjen e zgjedhjeve të lira dhe të ndershme dhe pastaj e vetingun e vërtetë. Ata që duan vetingun janë me opozitën, ata që nuk e duan kanë vendosur të rreshtohen me republikën e vjetër dhe i pret i njëjti fat si republika e vjetër”, tha Basha në përfundim të fjalës së tij