Ministri i Brendshëm i Shqipërisë, Taulant Balla ka thënë se garantimi i ligjit dhe sigurisë lidhen ngushtë me luftën kundër armëmbajtjes pa leje.

Balla në rrjetin social Facebook, ka publikuar një video gjatë realizimit të operacionit policorë ‘Tempulli’ dhe ‘Sundimi i ligjit’, ku ka rezultuar me arrestime dhe konfiskimin e armëve pa leje dhe substancave narkotike, shkruan Arbresh.info.

Mes tjerash, Balla ka shtuar pret më shumë rezultate çdo ditë.

Postimi i plotë:

Garantimi i rendit dhe i sigurisë lidhet ngushtësisht me luftën kundër armëmbajtjes pa leje si një burim potencial i krimeve të rënda kundër personit.

Dy operacionet kombëtare “Tempulli” dhe “Sundimi i ligjit” vijojnë të ndjekin këmba këmbës shpërndarësit e lëndëve narkotike, poseduesit e armëve pa leje, si dhe ndalimin e shtetasve në kërkim kombëtar e ndërkombëtar.

Në Kavajë janë vënë në pranga 4 shtetas dhe është sekuestruar lëndë narkotike kanabis, gati për shpërndarje.

Në Tiranë janë sekuestruar dy armë zjarri e municion luftarak, si dhe është vënë në pranga poseduesi i tyre.

Presim më shumë rezultate çdo ditë./Arbresh.info/