Tetë punonjës policie janë proceduar penalisht në 48 orët e fundit.

Përmes një postimi në rrjetet sociale, ministri i Brendshëm i Shqipërisë, Taulant Balla ka shkruar se  se policët e proceduar, kanë mbyllur sytë ndaj kriminelëve, apo edhe kanë bashkëpunuar me ta, përcjell Arbresh.info.

Balla thotë  se vijon intensivisht goditja e grupeve kriminale, por edhe procesi i vetë-pastrimit të Policisë së Shtetit.

“Vijon intensivisht goditja e grupeve kriminale, por edhe procesi i vetë-pastrimit të Policisë së Shtetit. Vetëm në 48 orët e fundit janë 8 punonjës policie të proceduar penalisht, për “mbyllje sysh” apo më keq akoma bashkëpunim me keqbërësit. Forcimi i bashkëpunimit mes Policisë së Shtetit, Prokurorisë, SPAK, Shërbimit Informativ dhe lufta e përbashkët për spastrimin e vatrave të krimit përballë dhe brenda vetë organizatës së Policisë së Shtetit, do ta çojë Shqipërinë në një tjetër nivel të sundimit të ligjit”./Arbresh.info