Detaje të reja kanë dalë në dritë në lidhje me ngjarjen e mbrëmjes së sotme në Vlorë, ku një person ende I paidentifikuar u ka bërë atentat  dy punonjësve të policisë të cilët ishin jashtë shërbimit dhe po udhëtonin në qytet me makinë  e tij personale tip “Audi”.

Autori I është afruar mjetit të policëve me makinën e tij Volswagen” dhe ka qëlluar me 5 plumba ndërsa Audi ishte në ecje.

Njoftimi i policisë:

Vlorë/Informacion paraprak

Rreth orës 19:40, në lagjen “Partizani”, në rrethana ende të paqarta, dyshohet se nga një automjet tip “Volkswagen”, një shtetas ende i paidentifikuar, ka qëlluar me armë zjarri në drejtim të automjetit tip “Audi” me të cilin udhëtonin shtetasit A. B., me detyrë punonjës i Patrullës së Përgjithshme në Komisariatin e Policisë Vlorë dhe N. M., me detyrë punonjës i Policisë Kufitare Sarandë, të cilët nuk kanë pësuar dëmtime.

Në momentin e ngjarjes, punonjësit e Policë kanë qenë jashtë shërbimit, duke udhëtuar me automjet privat.

Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes, identifikimin dhe kapjen e autorit.