Alpinistë nga trojet kombëtare iu ngjitën Malit Skënderbeu

10:15 | 18 Janar 2018

Alpinistë nga hapësirat kombëtare u ngjitën dje në Malin e Skënderbeut, 1723 m i lartë, pranë Qafë Shtamës në Krujë.

Në këtë aktivitet, në kuadër të vitit të Heroit Kombëtar shqiptar Gjergj Kastrioti Skënderbeu, morën pjesë mbi 100 alpinistë.

Sekretari i Federatës së Alpinistëve Gjirokastër Armand Mamani thotë se alpinistët e sfiduan motin e keq, duke u bashkuar në majën e lartë të malit që mban emrin e Heroit Kombëtar.

Gjatë këtij viti do të ketë mjaftë aktivitete sportive e turistike në nderim të figurës së Heroit ton Kombëtar Gjergj Kastrioti Skënderbeu.

Alpinistët

27 alpinistë udhëtuan nga Gjirokastra për t`u ngjitur në Malin e Skënderbeut, 1723 m i lartë, pranë Qafë Shtamës në Krujë. Në këtë aktivitet, në kuadër të vitit të Heroit Kombëtar shqiptar Gjergj Kastrioti Skënderbeu morën pjesë mbi 100 alpinistë nga Tirana, Puka, Kruja, Berati, Elbasani, Ulqini, Përmeti, Shkupi, Vlora, Shkodra etj. Sekretari i Federatës së Alpinistëve Gjirokastër Armand Mamani thotë për Zërin e Amerikës se alpinistët e sfiduan motin e keq, duke u bashkuar në majën e lartë të malit që mban emrin e Heroit Kombëtar.

Posted by VOA – Zëri i Amerikës on Dienstag, 16. Januar 2018

Shpërndaje në rrjete sociale

Lajmet më të lexuara