Një nikoqire ajrore pretendon se është detyruar të largohet nga puna në Virgin Atlantic pasi kishte lavdëruar një nga pasagjerët e klasit të parë.

E kjo pasagjere për të cilën bëhet fjalë është hiç më pak se kosovarja me famë botërore Rita Ora, transmeton portali arbresh.info

Charlotte Whittingham i kishte shërbyer Rita Orës në një fluturim nga Londra në Los Anxhelos dhe nuk duroi pa postuar për të në Facebook.

Ajo i kishte thënë të dashurës që Rita ishte si një “pikturë vaji” pasi Stacey Mc Clean kishte thënë se sa fatlume ishte që kishte qenë në një fluturim me Ritën.

Dy javë më vonë, asaj i është thënë që duhet të japë dorëheqje apo të përballet me procedurat disiplinore për postimin, sipas the Sun.

“Vetëm shkrova se ajo dukej si pikturë vaji, ajo ishte shumë e bukur, sepse më dukej pa të meta”, është shprehur stjuardesa e pushuar.

Me rregulla të kompanisë Virgin është e ndaluar të jepen detaje të pasagjerëve të famshëm./arbresh.info/