Rita Ora dje ka zbuluar një emblemë të re duke inkurajuar njerëzit të përpiqen dhe të ndihmojnë në ndalimin e përhapjes së pandemisë së coronavirusit.

Këngëtarja 29 vjeçare, të enjten përmes Instagramit të saj zbuloi bluzat dhe kapelet e reja me një logo dhe tekst të shtypur në ngjyrat e gjelbër dhe e kuqe, ku thuhet: “Ndaloni përhapjen, bëni pjesën tuaj”, shkruan portali arbresh.info

Rita së fundi u pa në rrugë teksa kishte vënë një maskë mbrojtëse kirurgjikale ndërsa doli jashtë veshur me një palë xhinse, e këtë dukje bukuroshja shqiptare e kompletoi me një palë çizme të bardha.

Ky veprim i saj inkurajon popullsinë të ndihmojë në përpjekjen dhe ndalimin e përparimit të pandemisë COVID-19.

Kujtojmë se numri i njerëzve të diagnostikuar pozitivisht në Mbretërinë e Bashkuar arriti në 2.626, nga 1.950 të mërkurën. Janë testuar gjithsej 56.221 persona.

Pandemia gjithashtu ka çuar në anulimin ose shtyrjen e ngjarjeve të shumta sportive dhe kulturore në të gjithë globin. /arbresh.info/