Publikohen sekuencat e plota në ‘Prime’ – si i’a gjuajti Gjesti vezën me forcë Vserlos në fytyrë

22:44 | 11 Mars 2025
Q L

Në spektaklin e së martës mbrëma të Big Brother VIP Albania 4, u transmetuan pamjet e plota të momentit kur Gjesti goditi me vezë në fytyrë Vserlon, ndërsa më pas i theu një tjetër vezë në kokë Olës.

Nga videot e shfaqura gjatë “Prime”-it, shihet qartë se Gjesti fillimisht ia heq kapelën Vserlos dhe më pas e godet në fytyrë me një vezë, duke shkaktuar reagime të ashpra brenda shtëpisë.

Më pas, në një akt tjetër të revoltuar, ai i thyen një tjetër vezë në kokë Olës.

Ky incident erdhi si pasojë e një përplasjeje mes banorëve. Gjesti dhe Aldo po luanin ping-pong me një patate, por në një moment Vserlo dhe Ola u afruan dhe tentuan ta merrnin pataten, duke i penguar në lojën e tyre.

Pikërisht ky veprim nxiti reagimin e ashpër të Gjestit, i cili e shprehu pakënaqësinë e tij përmes këtij veprimi të papritur.

Ngjarja ka shkaktuar një debat të madh si brenda shtëpisë ashtu edhe jashtë saj, me shumë shikues që kanë reaguar në rrjetet sociale, duke ndarë mendime të ndryshme mbi sjelljen e Gjestit dhe dinamikën mes banorëve.

A do të ketë masa disiplinore ndaj tij? Mbetet për t’u parë në vazhdimin e spektaklit.