Këngëtari i njohur i muzikës ‘rock’, Mentor Haziri, është shumë i pëlqyer për muzikën e tij nga publiku shqiptar.

Ai këtë vit ka konfirmuar se do të rikthehet sërish në “Kënga Magjike” me një këngë speciale, pas një pjesëmarrje të suksesshme vitin e kaluar.

Mirëpo ky nuk do të jetë projekti i tij i vetëm, pasi i njëjti po planifikon të mbajë edhe një solo koncert gjigant, si përshkrim ndaj gjithë karrierës së tij.

Këngëtari ka publikuar në rrjetet sociale promon e këtij koncerti, duke shkruar se i fton të gjithë adhuruesit e tij që të bëhen pjesë e këtij koncerti.

https://www.instagram.com/p/BorjeYfgxfZ/?utm_source=ig_embed

“Shtigje Tingujsh” titullohet ky koncert recital, në të cilin këngëtari Haziri do të interpretojë ‘live’ të gjitha këngët e suksesshme të tij ndër vite, të kësaj karriere të gjatë muzikore.

Koncerti mbahet më datë 28 tetor, në Qendrën e Kulturës, Katedralen Ortodokse, në Tiranë.

Në këtë koncert recital nuk do të mungojnë edhe shumë prej figurave publike të vendit.