“Më mungon shumë”, përlotet në skenë Robert Berisha teksa flet për herë të parë për nënën e tij

00:54 | 29 Mars 2021

Kjo puntatë e “Nostalgji muzikore” ishte si gjithnjë e veçantë, e i ftuari ishte tepër ekskluziv.

Për herë të parë pas shumë kohësh, Robert Berisha u bë pjesë e një interviste ku foli për tema të ndryshme e na zbuloi shumëçka.

Gjatë intervistës, nuk kishte se si të mos pyetej edhe lidhur me atë që ndodhi para disa muajsh në familjen e tij që ishte ndarja nga jeta e nënës së Robertit. Lidhur me këtë temë ai tregoi momentet e dhimbshme dhe një histori tepër të ndjerë pas ndarjes nga jeta të saj:

“Edhe kur kam bërë postimin, kam menduar që do të kisha forcë për të shkruar më shumë, por e kam lënë vetëm me ‘Kam shumë me thënë për ty, por po e lë me kaq…’, sepse kam humbur një shoqe. Kam humbur një shoqe që nuk e kisha problem ta ftoja e njihja me shoqërinë time, edhe Nora po ashtu, sepse ishte zonjë e vërtetë.”- tregoi ai.

Më pas i prekur ai shtoi:

“Më mungon shumë. Kur isha në Amerikë e kisha ditëlindjen, më shkoi mendja ta merrja në telefon. Duhet kohë e gjatë që ta besoj se ka ikur nga kjo jetë, e mora në Viber dhe i kam ende mesazhet me të në telefon, të cilat do i ruaj gjatë se janë kujtime shumë të bukura…” – rrëfeu i përlotur ai./tch/

Shpërndaje në rrjete sociale

Lajmet më të lexuara