Një detaj që ndoshta njerëzit e kanë vënë re edhe te Donald Trump edhe tek Eduard Ndocaj, është kapela e kaubosjve që të dy preferojnë të mbajnë.

I ftuar në “Xing me Ermalin”, ish-deputetit Ndocaj iu shfaq në ekran një fotografi e tij dhe një fotografi e presidentit amerikan me kapelën e kaubojsit.

Porsa e ka parë fotografinë, është shprehur: “Të dy biznesmenë të suksesshëm”, transmeton xing.al.

Ndërsa moderatori Ermal Mamaqi e pyeti atë nëse ai e ka kopjuar Trumpin apo Trump atë.

“Me thënë të drejtën ky mban gjithmonë një kapele të kuqe. Më duket më ka kopjuar ky mua”, ka thënë Ndocaj duke e bërë për të qeshur publikun.

Mirëpo, më pas shtoi: “Bëj shaka se ky është kaubojs i vjetër dhe një njeri i jashtëzakonshëm”.

Gjatë emisionit, ai iu është përgjigjur pyetjeve të shumta ngacmuese nga Ermali.

Ndërsa në videon e mëposhtme mund ta shikoni emisionin e plotë./xing.al