“Jam shtatzënë”, Një ‘prank’ ndez debatin në “BBV”

08:54 | 15 Dhjetor 2022
K.B

Mbrëmë në shtëpinë e “Big Brother Vip Kosova”, njëra nga banorët, Alisa u bëri një “prank” banorëve duke ju thënë se është shtatzënë.

Me të dëgjuar këtë lajm banorët e tjerë, u afruan tek ajo dhe burri i saj Urimi, për t’i uruar.

Por kjo doli të ishte një “prank”, e kjo ka bërë që brenda në shtëpi të ketë debate. Madje njëri nga banorët Gjon Karrica ose siç njihet ndryshe si Lugati nuk e priti aspak mirë këtë gjë dhe menjëherë u shpreh i revoltuar me shakanë e çiftit.

“Është shaka me nivel 0.0 shije. Nuk bëhen shaka me vdekje dhe lindje. I urrej njerëzit që duan të bëjnë gjithçka për pak vëmendje”-tha mes të tjerash Gjoni, i cili sa i përket Alisës, u shpreh se i ka humbur respekti për të.

Kujtojmë se çifti Alisa-Urim janë në nominim për këtë javë, dhe mbetet të shihet se si do të reagojë publiku jashtë për këtë shaka pa kripë siç e quajtën edhe banorët. /arbresh.info/