I tha Vivit se nuk ka shtëpi, Getinjo i reagon ashpër Xhulit: Turp për këto fjalë, do ta kuptojnë njerëzit se kush je

18:51 | 9 Shkurt 2023
E.H

Dy banoret e shtëpisë Big Brother Vip Kosova, Vivien Thano dhe Xhuli Nura kanë pasur një përplasje të ashpër.

Në një moment derisa ishin në kuzhinë, Xhuli iu drejtua Vivit se nuk ka as shtëpi, e se në Tiranë mbase jeton me qira.

Për këtë pati një reagim nga reperi Getinjo, i cili krijoi një lidhje dashurie brenda me ish-konkurrenten e “Love Story”.

“Ha ha ha Vivi është rritur pa baba edhe nuk ka pasur vëlla as asgjë. Edhe boll e ka fituar një djalë si unë. E ti Xhuli Nura si feministë marre për këto fjalë me ia thënë një njeriut po hajt se ngadalë do ta kuptojnë njerëzit kush je. Ju lus njerëz votoni të gjithë përpos Vivit të del nesër se iu ka ngjitur që të dalë nga vetja”, thuhet në reagimin e reperit.

Getinjo ndërkohë u largua nga shtëpia e BBVK javë më parë duke kërkuar që ta linte garën për çmimin e madh prej 200 mijë eurosh.

I njëjti pas daljes solli me klip këngën e re “Je e vetmja dashuri” në bashkëpunim me Ana Kabashin./arbresh.info/