Artistja shqiptare me famë ndërkombëtare, Dua Lipa, po vazhdon të shijojë suksese të shumta dhe atë jo vetëm në muzikë.

Ajo është bërë imazhi i preferuar i shumë brendeve me renome botërore, teksa së fundmi ka realizuar një fushatë të re reklamues për markën e parfumeve “Yves Saint Laurent”, shkruan portali arbresh.info

Parfumi në fjalë mban titullin “Libre”.

“Mos kini frikë nga liria juaj,” dëgjohet duke thënë Lipa në reklamën në të cilën shfaqet duke u ngjitur shkallëve drejt majës së një ndërtese, ku edhe e largon xhaketën nga trupi dhe qëndron e zhveshur e drejtuar nga qyteti.

“Pranvera është këtu bashkë me reklamën time të re për @yslbeauty #LIBRE”, ka shkruar Lipa në mesazhin e saj.

Kujtojmë se, “Future Nostalgia” i artistes shqiptare Dua Lipa është albumi më i madh i vitit 2021. /arbresh.info/