Brad Pitt thotë se Angelina Jolie e ka kompromentuar privatësinë e fëmijëve që prej ndarjes së tyre.

Avokati i aktorit 53-vjeçar ka paraqitur një kërkesë duke i kërkuar një gjyqtari të vulosë të dhënat në lidhje me fëmijët e Pitt me Jolie, duke pretenduar se aktorja 41-vjeçare i ka ekspozuar shumë fëmijët e tyre që nga divorci, transmeton arbresh.info.

“Angelina i ka ekspozuar fëmijet duke i bërë publik emrat e terapistëve dhe profesionistëve të shëndetit mendor”, thuhet në dokumentet e dorëzuara në gjykatë nga avokatët e Pitt.

“Ajo me sa duket nuk ka asnjë mekanizëm vetërregullues për përjashtimin e informatave të ndjeshme”, vazhdon deklarata.

Jolie është shfaqur e hapur që nga ndarja me Pitt, duke përfshirë edhe kujdestarinë. Kërkesa e Pitt që në mënyrë emergjente të  nënshkruhen dokumentat që i takojnë divorcit ishte mohuar më parë.

Jolie e ka paraqitur kërkesën për divorc në shtator, pas dy viteve martesë./Arbresh.info