Billie Eilish është në kulmin e karrierës muzikore.

18-vjeçarja e cila fitoi disa çmime Grammy, u kurorëzua Gruaja e Vitit nga Billboard dhe albumi i saj debutues është transmetuar më shumë se dy miliardë herë, transmeton portali arbresh.info.

Në një moshë kaq të re, ajo është bërë një fenomen, duke fituar zemrat e plot fansave të cilët janë të entuziazmuar nga talenti dhe stili personal.

Tani Eilish është bashkuar në partneritet me Uniqlo dhe Takashi Murakami, një artist i cili gjithashtu  është i njohur për modus operandin e tij.

Linja, e cila është nën emrin e UT përbëhet nga gjashtë maica të gjera secila për meshkuj, femra dhe fëmijë në ngjyra të ndezura që kanë emrin e këngëtares dhe printime nga malli i saj në Blohsh, së bashku me floralet e stilit manga të Murakamit.

Megjithëse Eilish dhe Murakami kanë gati 40 vjet diferencë, çiftimi i këtyre dy forcave krijuese, sipas presidentit të Uniqlo të krijimtarisë globale, John C. Jay, ishte e paparë.

Ata janë “dy nga krijuesit më me ndikim global të bashkuar si një shprehje e re e artit për të gjithë”, tha ai në një deklaratë.

Koleksioni Billie Eilish x Takashi Murakami, i cili ka një çmim midis 10 dhe 15 dollarë, do të jetë në dispozicion në 25 maj në internet në Uniqlo.com./arbresh.info/