Këngëtarja shqiptare me renome botërore, Bebe Rexha, ka ndërprerë të gjitha aktivitetet e saj muzikore prej tri muajsh, shkaku i pandemisë globale coronavirus.

Ajo po qëndron e izoluar në shtëpinë e saj luksoze në Los Angeles të Shteteve të Bashkuara të Amerikës, bashkë me vëllanë e saj, Florentit, shkruan portali arbresh.info

Por, Bebe së fundi ka realizuar një kampanjë me “Sinful Colors”, markë për ngjyra të thonjve, me të cilën ka bashkëpunuar edhe më herët.

Në këtë kampanjë Bebe shfaqet tejet joshëse, teksa mbante ushqim në duar, ndërsa shprehet e lumtur që është sërish imazh i kësaj marke.

Ajo në një intervistë që dha së fundi për “Vogue” tregoi se gjatë vetizolimit po merret me përgatitjen e ushqimeve tradicionale shqiptare.

Edhe pse ka qëndruar e izoluar, 30-vjeçarja nuk ka ndenjur totalisht duarkryç gjatë këtyre ditëve, pasi ajo ka punuar rreth këngëve të reja të albumit të saj të dytë, që do të dalë në shitje këtë vit. /arbresh.info/