Skuadra e Arsenal dhe reperi Jay-Z, kanë nënshkruar një marrëveshje në vlerë prej 1 milionë funte, e cila i mundëson anëtarëve të Arsenal, të shkarkojnë muzikë nga shërbimi muzikor “Tidal”.

“TIdal” që është një produkt nga Jay-Z, ka arritur këtë marrëveshje me skuadrën londineze, në mënyrë që të gjithë ata që janë të anëtarësuar në faqen e Arsenal, do të mund të shkarkojnë muzikën ose listat muzikore të futbollistëve të Arsenal.

Qysh tani lojtarë si, Danny Wellbeck, Hector Bellerin dhe Reiss Nelson, kanë bërë publike listat e tyre muzikore për shkarkim në “TIdal”, për të gjithë anëtarët e klubit Arsenal.

“Ku partneritet bashkon dy nga pasionet më të mëdha, futbollin dhe muzikën dhe ky bashkim është mënyra më e mirë, që anëtarëve të Arsenal, t’i ofrojmë këtë mundësi”, tha një përfaqësues i klubit Arsenal.

Përndryshe Jay-Z ishte parë në “Emirates” edhe mëherët, bashkë me këngëtarin britanik nga bendi “Coldplay”, Steve Martin, i cili është pronar i pjesshëm në kompaninë “Tidal”. /Insporti.com