Aktorja e njohur thotë se nuk ka më yje të filmit, dhe Hollivudit po i zbehet shkëlqimi

09:16 | 10 Nëntor 2022
A. B.

Aktorja e famshme, Jennifer Aniston ka thënë se shkëlqimi i dikurshëm i Hollivudit dhe yjeve të tij ka filluar të zbehet dukshëm viteve të fundit.

Gjatë një interviste, përderisa aktores po i lexohej një dedikim që e cilësonte atë si fenomen të famës masive, ajo u befasua për të mirë dhe shfaqi opinionin e saj karshi elitës së sotme të aktorëvë, shkruan The Independent.

“Oh, kjo më dha të dridhura. Ndihem sikur po vdes. Nuk ka më yje të filmit. Nuk ka më magjepsje. Edhe festat e Oscar-it dikur ishin shumë më argëtuese”, ka thënë ajo.

Aniston ka shtuar se i urren mediat sociale, kjo besohet të ketë qenë edhe arsyeja se pse ajo kishte qëndruar për një kohë kryesisht të gjatë jashtë platformave të ndryshme të mediave sociale. /arbresh.info/