Ushqimet më të mira për të nisur ditën me energji

13:10 | 20 Shkurt 2021

Mëngjesi është vakti më i rëndësishëm i ditës.

Pavarësisht orës kur e konsumoni, përfitimet e tij janë të panumërta për shëndetin dhe organizmin.

Një mëngjes i shëndetshëm përbëhet nga proteina, yndyra të shëndetshme dhe karbohidrate komplekse.

Ruajtja e ekuilibrave është e domosdoshme për mirëmbajtjen e sheqerit në gjak dhe jo vetëm.

Në fillim një frut

Ekspertët e AgroWeb.org thonë se njerëzit duhet ta nisin ditën me një frut, me përmbajtje të lartë uji dhe sheqeri natyral.

Frutit i duhet lënë pak kohë për tu tretur.

Më pas perimet

Perimet janë një burim i shkëlqyer karbohidratesh, vitaminash, mineralesh dhe fibre.

Omëleta me perime është një mënyrë shumë e mirë për të përfshirë këto thesare të tokës në mëngjes.

Proteinat

Proteina është e rëndësishme për mëngjes.

Ajo çlirohet më ngadalë në organizëm, ndryshe nga karbohidratet.

Megjithatë, proteina e marrë në mëngjes zgjat gjatë gjithë ditën.

Tërshëra dhe veza e zier janë burime të mira proteinash.

Yndyrat e shëndetshme

Për të plotësuar nevojat e organizmit, njeriu nuk ka nevojë të konsumojë shumë yndyrë në mëngjes.

Mjafton një sasi e vogël, për shembull e vajit të ullirit, për të ushqyer trurin, për të dhënë energji dhe për të përmirësuar shëndetin e flokëve dhe lëkurës.

Avokado është një burim i mirë i yndyrave të shëndetshme dhe kombinohet shkëlqyeshëm me vezën.

Kur duhet ngrënë mëngjesi?

Ekspertët, të cilëve u referohet AgroWeb.org thonë se një ditë produktive kërkon mëngjes të pasur me fibër e proteina.

Ky vakt duhet ngrënë patjetër brenda një ore nga zgjimi.

Dreka duhet planifikuar 4-5 orë më vonë dhe darka 4-5 orë pas drekës.

Mes vakteve, njeriu duhet të konsumojë fruta dhe arrorë për vitamina dhe energji.

Roli i mëngjesit tek rënia në peshë

Disa studime sugjerojnë se ngrënia e një mëngjesi të shëndetshëm mund t’ju ndihmojë të largoni peshën e tepërt dhe të ruani format e shëndetshme trupore.

Studime të tjera sugjerojnë se heqja dorë nga ky vakt mund të mos jetë aq i keq por vetëm në aspektin e mirëmbajtjes së peshës.

Sidoqoftë, njeriu është në gjendje të marrë një vendim mbi këtë çështje duke analizuar tre përfitimet kryesore që ofron ky vakt.

Shpërndaje në rrjete sociale

Lajmet më të lexuara