Sipas një studimi të fundit, njerëzit me nivele më të larta të vitaminës D kanë më pak gjasa që të infektohen nga Covid-19.

Sipas studimit, nivelet e vitaminës kanë një efekt më të madh tek njerëzit me ngjyrë, të cilët janë më të rrezikuar nga mungesa e kësaj vitamine në krahasim me njerëzit e bardhë, transmeton portal arbresh.info

Studiuesit nga Universiteti i Çikagos kanë theksuar se njerëzit me ngjyrë me nivel të vitaminës D mes 30 dhe 40 ng / ml kanë dy herë më shumë gjasa që të dalin pozitv nga Covid-19.

Vitamina D, e njohur ndryshe edhe si vitamina e diellit, luan një rol kritik në një sistem imunitar të funksionimit të shëndetshëm dhe absorbohet kryesisht përmes lëkurës.

Studimi i ri nuk mund të provojë se marrja e mjaftueshme e vitaminës D do të mbrojë njerëzit nga koronavirusi, por sugjeron që marrja e mjaftueshme e vitaminës mund të ndihmojë në parandalimin e rrezikut të kontraktimit të saj, veçanërisht për njerëzit me ngjyrë që kanë tri herë më shumë gjasa që të shtohen në spital për shkak të koronavirusit.

Në studimin e tyre me 4,368 njerëz në Çikago, studiuesit zbuluan se ata që kishin nivele gjaku më të ulëta se 40 ng / ml ishin në një rrezik prej 7,2 përqind më të lartë të testimit pozitiv nga koronavirusi, shkruan Daily Mail.

Sa është ‘e mjaftueshme’ vitamina D është temë e debatit të vazhdueshëm midis shkencëtarëve.

Rrezet e diellit janë burimi kryesor i vitaminës D.

Një dietë e pasur me peshk, mish të kuq ose të verdhat e vezës mund të ndihmojë në rritjen e nivelit të vitaminës D./arbresh.info/