Një studim i ri ka vërtetuar teorinë që një filxhan kafeje mund të ndihmojë në rënien në peshë. Kafja, kanë zbuluar shkencëtarët

Shkencëtarët kanë zbuluar se kjo pije e ngrohtë të jep ndjesinë e ngopjes dhe njerëzit ndihen më pak të uritur, transmeton shendeti.com.al.

Rezultatet e studimit, nga Universiteti Northwestern, mbështesin të dhënat e mëparshme se njerëzit që pinë dy filxhanë kafe në ditë mund të mos shtojnë peshë. Studimi sugjeron se kafja ndihmon njerëzit për t’u dobësuar jo vetëm duke përshpejtuar metabolizmin, por edhe duke u shuar urinë.

Gjatë studimit u analizuan efektet biologjike të kafes tek 47 njerëz, të cilëve iu kërkua që për një muaj të mos konsumonin fare kafe, muajin e dytë të konsumonin 4 filxhanë dhe të tretin 8 filxhanë.

Gjatë studimit 3-mujor u morën analizat e gjakut të konsumuesve të kafes.

Shkencëtarët zbuluan se pas konsumimit të kafes, uleshin nivelet e disa përbërësve të prodhuar nga sistemi endokanabionid i trupit. Kafja gjithashtu ndihmon njerëzit për t’u dobësuar falë kafeinës, që përshpejton metabolizmin dhe ndihmon në djegien e shpejtë të dhjamit.

Një studim i kryer nga Shkolla Mjekësore Hannover në Gjermani, në vitin 2015, ka zbuluar se përdoruesit e rregullt të kafes (që konsumojnë 2-4 filxhanë kafe në ditë) janë më të predispozuar që mos t’i marrin sërish kilet e humbura më parë.