Vaji i arganit prodhohet nga fara e pemës së arganit dhe çmohet për shkak të vetive ushqyese, kozmetike dhe mjekësore dhe atë mund ta gjeni në dy forma; njëra përdoret në kozmetikë, ndërsa tjetra në kuzhinë.

Përdorimet kozmetike:

Vaji i arganit është antioksidant, përmban vitamina C dhe E, të cilat e bëjnë lëkurën më të shëndetshme dhe më të bukur. Vitamina E dhe acidet yndyrore esenciale ndihmojnë për lëkurë të thatë.

Mund ta parandalojë shfaqjen e rrudhave, por edhe ta zvogëlojë dukshmërinë e rrudhave ekzistuese.

Njerëzit me shprehi të këqija, si pirja e duhanit apo ekspozimi ndaj diellit pa faktor mbrojtës, mund të përfitojnë nga vaji i arganit.

Plagët dhe djegiet mund të reduktohen apo edhe të mënjanohen plotësisht duke përdorur vaj argani.

Vaji i arganit e rregullon pH-në e lëkurës dhe ndihmon në mbrojtjen kundër faktorëve që mund të prodhojnë dëme të pakthyeshme.

Përbërësit e vajit të arganit gjithashtu ndihmojnë tek kujdesi i lëkurës së yndyrshme.

Ndihmon në zbutjen e psoriazës dhe ekzemës.

Mund t’i parandalojë dhe shërojë aknet.

Ripërtërin lëkurën, i jep asaj elasticitet me ç’rast ngadalëson plakjen dhe shfaqjen e rrudhave.

Është i shkëlqyeshëm për lëkurën rreth thonjve.

mund të përdoret edhe për ristrukturimin e fibrave të flokëve dhe mbrojtjes së gjatësisë së tyre, duke e aplikuar për 20 minuta dy herë në javë.