Vetëm ata që e kanë kaluar Covid-19 e dinë se sa e vështirë është që trupi t’i kthehet normalitetit pas sëmundjes.

Vetëm ata e dinë se sa e vështirë është që të rifitohet forca e muskujve dhe të forcohet sistemi imunitar, transmeton portal arbresh.info

Është pikërisht forca e sistemit imunitar që është vendimtare për rehabilitimin pas Covid, ndërsa shumë studime tregojnë se një dietë e ekuilibruar që përfshin probiotikë dhe mikroelemente të tilla si vitaminat D, A, C, zinku, seleniumi dhe polifenolet që stimulojnë imunitetin, mund të zvogëlojë rrezikun e infeksionit COVID-19 dhe të shpejtojë shërimin pas sëmundjes.

Vitamina D e nevojshme për funksionimin normal të shumë sistemeve organike si sistemi muskulor, skeletor dhe imunitar është vitamina D, dhe për shkak të funksioneve të saj specifike, shumë e quajnë atë një hormon.

Kjo vitaminë ia mundëson trupit që të luftojë me infeksionet. Mungesa e vitaminës D lidhet me një rrezik të shtuar të infeksionit dhe studimet kanë treguar gjithashtu se njerëzit me mungesë të vitaminës D3 kishin një formë më të rëndë të Covid-19.

Prandaj, vitamina D ka një rëndësi të madhe në të gjitha fazat e infeksionit, duke filluar nga parandalimi, periudha e infeksionit dhe përiudha e shërimit.

Ekspozimi në diell për 15-30 minuta, tre herë në javë zakonisht është i mjaftueshëm për të sintetizuar sasitë e nevojshme të vitaminës D në trup. Përveç kësaj, mund të merret me ushqime të caktuara (peshk të Detit të Veriut si salmoni, qumësht i pasuruar me vitaminë D, etj)

Në dimër nuk mund të merret mjaftueshëm përmes diellit, prandaj sugjerohen suplementet shtesë nga kjo vitaminë.,

Rol të rëndësishëm luan edhe vitamina K, e veçanërisht forma e saj K2.

Shumë studime kanë treguar rëndësinë e kësaj vitamine që lidhet me forcimin e eshtrave dhe reduktimin e kalcifikimit të enëve të gjakut, por studimet e fundit tregojnë se kjo vitaminë luan rol edhe të diabetikët.

Niveli i ulët i vitaminë K lidhet me rezultate më të dobëta te pacientët me Covid.

Mungesa e zinkut shoqërohet me një përgjigje më të dobët imune, veçanërisht ndaj infeksioneve virale. Suplementimi i zinkut është treguar se rrit prodhimin e qelizave që luftojnë infeksionin dhe shfaq aktivitet antiviral.

Në rastin e pacientëve me Covid, suplementet me dozë të lartë të zinkut kanë reduktuar kohëzgjatjen e simptomave të infeksionit.

Është vlerësuar se 85 e popullsisë konsumon më pak zink sesa duhet. Mungesa e zinkut është e zakonshme tek adoleshentët, fëmijët, gratë shtatzëna, të moshuarit dhe grate, transmeton portal arbresh.info

Simptomat e mungesës së zinkut përfshijnë: ftohjet dhe infeksionet e shpeshta, lëkurën e thatë, shërimin e ngadalshëm të plagëve, rënien e flokëve (vetullat dhe qerpikët), humbjen e oreksit dhe humbjen e papritur të peshës, sjelljen apatike, harresën, depresionin, impotencën dhe infertilitetin tek të dy gjinitë.

I nevojshëm është magnezi për krijimin e energjisë në trup dhe mungesa e tij mund të shkaktojë ndryshime në funksionimin e sistemit nervor dhe muskulor. Lodhja, rraskapitja dhe mungesa e energjisë janë bërë të zakonshme dhe janë veçanërisht të theksuara te pacientët pas infeksionit me Covid.

Duke përfshirë një dozë ditore të magnezit në rutinën tuaj të përditshme, është më e lehtë të kontrolloni nëse probleme të tilla dhe të ngjashme ndodhin për shkak të mungesës së tij. Muskujt e ndjejnë rëndësinë e veçantë të magnezit, sepse mungesa e këtij minerali manifestohet me shfaqjen e ngërçeve të muskujve dhe marrja e një doze ditore çon në një efekt të shpejtë lehtësimi.

Ajo që ekspertët këshillojnë për shërimin e shpejtë nga Covid është dieta e shëndetshme me vitamina dhe minerale. Megjithatë, nuk duhet harruar se qëndrimi në natyrë, ushtrimet e lehta dhe shëtitjet kanë një efekt pozitiv në rikuperimin më të shpejtë dhe rikthimin e forcës së muskujve në periudhën para Covid-it./arbresh.info/