Përvec faktit që merrni ngjyrë, laheni, relaksoheni dhe luani në plazhe, aty ju mund të bëni edhe aktivitete tjera, si për shembull ecja këmbëzbathur në rërë, gurë apo në ujë.

Kjo jo vetëm që është relaksuese por është edhe shumë shëruese,  shkruan albeu.

”Beach Walking” (Ecja në plazh), sjell shumë dobi, ku ecja këmbëzbathur u mundëson këmbëve të lëvizin në mënyrë natyrale dhe e stimulon qarkullimin e gjakut.

Është mirë që këtë lloj ecje ta praktikoni kur temperaturat nuk janë shumë të larta, si për shembull herët në mëngjes apo në perëndim të diellit.

Ecja këmbëzbathur ka edhe veti tjera: U mundëson të digjni kalori, ndihmon në uljen e tensionit të lartë, ju furnizon me vitaminën D, e lufton fyerjen e këmbëve te shtatzënat dhe mbi të gjitha ju mbush me energji pozitive, shkruan albeu.