Presidenti i Serbisë, Aleksandar Vuçiq, ka njoftuar se do të ketë dy takime të rëndësishme me presidentin e SHBA-së, Donald Trump, brenda tri deri në katër ditët e ardhshme.

Vuçiq theksoi se këto takime do të zhvillohen në rrethana të ndryshme dhe, duke kërkuar sqarim, shpjegoi se kishte ngatërruar datat dhe zonat e ndryshme kohore.

Po ashtu, presidenti serb bëri të ditur se kryeministrja italiane Giorgia Meloni pritet të vizitojë Beogradin në gusht ose shtator, duke e cilësuar atë një nga gratë më të fuqishme në botë, përkrah presidentes së Komisionit Evropian, Ursula von der Leyen.

Ndërkohë, tre ditë më parë, Vuçiq u takua sërish në Beograd me djalin e presidentit amerikan, Donald Trump Jr.

Ky takim është hera e dytë që Trump Jr. viziton Beogradin brenda një muaji, ku ai ka pasur mundësinë të takojë biznesmenë serbë.

Trump Jr., nënkryetar ekzekutiv i Trump Organization, ka ndarë mendime dhe ka krijuar mundësi bashkëpunimi me disa prej liderëve të biznesit në Serbi.