Presidenti i Republikës së Shqipërisë, Ilir Meta ka vlerësuar pozitiv votimin e mbrëmshëm në Parlamentin e Maqedonisë për ndryshimet kushtetuese për marrëveshjen me Greqinë.

“Votimi në Kuvendin e Maqedonisë pro nismës për ndryshimet kushtetuese është një hap i rëndësishëm, shprese e besimi se procesi i anëtarësimit të Maqedonisë në NATO dhe BE është në rrugën e duhur.

E përgëzoj qeverinë e Kryeministrit Zaev për përpjekjet e vendosura në këtë drejtim dhe të gjithë ligjvënësit e Kuvendit të Maqedonisë për mbështetjen e një procesi që jo vetëm çliron Maqedoninë nga një ngërç integrimi disa vjeçar, por ndikon edhe në sigurinë, stabilitetin e mirëqenien e rajonit tonë”, shkruan Meta në rrjetin social Facebook.

Pas disa ditëve diskutim në Kuvend, dhe një referendumit të dështuar, dje deputetët vendosën që marrëveshja të kalojë me vota 80 vota”pro”, dhe 39 “kundër”

Marrëveshja me Greqinë është nënshkruar më 17 qershor të këtij viti, marrëveshje kjo që duhet të ndryshojë emrin e vendit në Maqedonia e veriut.