Raportuesi për Maqedoninë në Parlamentin Evropian, Ivo Vajgl, në një intervistë për agjencinë AIM, vlerëson se ka mundësi reale që udhëheqësit e BE-së të japin dritën e gjelbër dhe një datë për negociatat për Maqedoninë në verë, duke theksuar që Parlamenti Evropian (PE) ka nxitur negociatat dhe zgjidhjen e çështjes së emrit, që të mund të shkojnë në paketë, nëse deri atëherë nuk zgjidhet mosmarrëveshja me Greqinë, përcjell Telegrafi Maqedoni.

“Tani Këshilli i Evropës duhet të sqarohet. Unë besoj se puna ka shkuar mjaft larg që mos të vendoset në çështje. Sigurisht, kjo varet, në një masë të madhe, nga suksesi i negociatave me Greqinë mbi emrin. Dhe këtu, negociatorët, që është e zgjuar nga ana e tyre, na mbajnë në pasiguri për një marrëveshje. Unë mendoj se në këtë situatë nuk është ideja më e mirë për të publikuar informacione të njëanshme që çorientojnë. Është më mirë që negociatorët të negociojnë në fshehtësi, thotë Vajgl.

Thekson se çdoherë si raportues kërkon dhe merr ndihmë nga PE që bisedimet me BE të mund të kryhen paralel me bisedimet për emrin.

Vajgl po përgatit edhe një rezolutë të re në PE për Maqedoninë, në të cilën kritikat kryesore kanë të bëjnë me dialogun politik në vend.

Ivo Vajgl do të vijë në Ohër më 17 dhe 18 maj për raundin e bisedimeve në kuadër të procesit Jean Monet, e cila ka të bëjë forcimin prekshmërisë personal në mes deputetëve. /Telegrafi/