Rreth 25 për qind e të rinjve me arsim të lartë u larguan nga vendi. Evropa Perëndimore dhe Shtetet e Bashkuara janë destinacionet ku të rinjtë e gjejnë më të lehtë punën.

Në një debat të kohëve të fundit në “Rrugën për” në Alsat-M, kushtuar këtij problemi, u tha se kushtet e vështira, pagat e ulëta dhe punësimet e partisë janë arsyeja që të rinjtë të largohen nga vendi. Elmendina Asani, një i diplomuar në Shkollën Mjekësore, thotë se ajo kishte shumë oferta për të dalë nga vendi dhe për t’i marrë ato në konsideratë, përcjell Telegrafi Maqedoni.

Profesori i Universitetit Gadaf Rexhepi beson se përveç mundësive ekonomike, arsyet e tjera për ikjen e të rinjve janë mundësitë e ofruara për studime në vendet e BE.

Ministri i Punës dhe Politikës Sociale, Mila Carovska tha se vendi po merr masa afatgjata për të mbajtur të rinjtë në vendin tonë.
Carovska e pranoi se punësimet partiake janë njëra nga shkaqet kryesore për ikjen e të rinjve në vendet e Evropës. /Telegrafi/