Spasovski: Nuk ka asnjë problem me Ligjin për shtetësi

13:39 | 20 Prill 2022
A. B.

Ministri i Punëve të Brendshme në Maqedoni të Veriut, Oliver Spasovski sot deklaroi se nuk ka asnjë problem me Ligjin për shtetësinë dhe apeloi që të mos krijohet polemikë se kemi problem me këtë zgjidhje ligjore.

“Deri më tani kanë aplikuar rreth 560 qytetarë në Maqedoninë e Veriut që nuk kanë shtetësi, të gjithë të tjerë janë qytetarë që nuk jetojnë në Maqedoninë e Veriut dhe kanë aplikuar për shtetësinë tonë. Kjo procedurë mund të jetë e ngadaltë por kjo procedurë nuk është përmes Ministrisë së Brendshme”.

“MPB mbledh të dhëna, pëlqime, mendime nga disa institucione në varësi të bazës mbi të cilën është paraqitur kërkesa. Kur të mblidhen të gjithë këto të dhëna në fund jepet vendimi që posa të fillojë procedura të përfundojë ajo procedurë”, tha Spasovski.

Spasovski apeloi edhe për durim gjatë procedurës për marrjen e shtetësisë.