Ad Banner
Ad Banner
Ad Banner
Ad Banner

“Regres me gjyqësorin”, BE pezullon të gjitha pagesat financiare për Serbinë

11:12 | 1 Maj 2026
R J

Bashkimi Europian ka pezulluar mbështetjen financiare për Serbinë për shkak të politikave të Beogradit ndaj sistemit gjyqësor, deklaroi komisionerja e BE-së për zgjerimin Marta Kos.

“Në këtë moment kemi pezulluar të gjitha pagesat (për Serbinë) në kuadër të planit të zhvillimit, sepse po shohim sërish regres në sistemin gjyqësor. Derisa kjo të korrigjohet, vendi nuk do të mund të përfitojë mbështetje financiare nga BE-ja”, tha Kos gjatë një konference për shtyp, citojnë mediat serbe.

Ky vendim merret në një periudhë kur brenda institucioneve evropiane po zhvillohen diskutime më intensive për vijimin e ndihmës financiare dhe ecurinë e përgjithshme të Serbisë drejt integrimit evropian.

Më herët, mediat raportuan se Brukseli po shqyrton bllokimin e 1.5 miliardë eurove ndihmë, për shkak të lidhjeve me Rusinë.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm