Nxënësit prej sot në pushim, mësimi në Maqedoni vazhdon më 21 janar

08:53 | 31 Dhjetor 2020

Nxënësit e shkollave fillore dhe të mesme në Maqedoni, prej sot (31 dhjetor) do të jenë në pushim dimëror, me çka edhe përfundon gjysmëvjetori i parë i vitit shkollor 2020/2021.

Nxënësit do të jenë në pushim deri më 21 janar, kur edhe duhet ta nisin gjysmëvjetorin e dytë, përcjell Telegrafi Maqedoni.

Sipas ndryshimeve në kalendarin për organizim të punës së shkollave, gjysmëvjetori i parë nisi me një muaj vonesë, gjegjësisht 1 tetor, ndërsa numri i ditëve mësimore është ulur nga 180 në 159.

Pushimi dimëror është në periudhë sikurse vitin e kaluar, ndërsa edhe pse kishte kërkesa për pushim të mëhershëm, ato nuk u pranuan.

Derisa nxënësit do të jenë në pushim, kuadri mësimor dhe palët tjera do të kenë mundësi që deri më 20 janar të dërgojnë komente, propozim dhe sugjerime për draft-konceptin e ri për arsimin fillor.

Ai parasheh që disa lëndë të integrohen në disa të tjera, dhe të mos mësohen si të veçanta, në mesin e tyre dhe lënda e historisë.

Shpërndaje në rrjete sociale

Lajmet më të lexuara