Ministri i jashtëm fyeu kancelarin austriak, presidenti serb e arsyeton

21:28 | 20 Nëntor 2018
Arbresh.info

Presidenti i Serbisë, Aleksandar Vuçiq, ka deklaruar sot se Austria dhe kancelari i saj, Sebastian Kurz, janë miq të sinqertë të Serbisë.

Ai, siç përcjell “blic” i Beogradit, ka thënë kështu pasi që ministri serb i Punëve të Jashtme – Ivica Daçiq, në një konferencë për media, bëri shumë vërejtje ndaj Austrisë e njëkohësisht e kishte fyer kancelarin e saj Sebastian Kurz për përkrahjen që ky vend i kishte dhënë Kosovës për t’u pranuar në Interpol.

“Besojmë se Austria është mik i sinqertë. E kuptoj edhe atë që e ka thënë Daçiqi … Mendoj se edhe Sebastian Kurz është mik i sinqertë i vendit tonë. Por Daçiqi ka qenë i rreptë ndaj Kurzit edhe herën e fundi kur ai ka qenë këtu”, ka thënë Vuçiq, përcjell koha.net.