Kryetarja e sapo zgjedhur e Komisionit Evropian, Ursula von der Layen, theksoi se nuk ka asnjë sinjal se në mbledhjet e liderëve të BE-së në Bruksel do të arrihet vendim për procesin e zgjerimit të BE-së.

“Më vjen keq, sepse besoj se këto vende bënë përpjekje të rëndësishme që të përafrohen drejt BE-së dhe për këtë shkak është e rëndësishme që t’u jepet sinjal”, deklaroi Ursula von der Leyen, përcjell Telegrafi Maqedoni.

Liderët e BE-së sonte në Bruksel duhet të bisedojnë për mundësitë e hapjes së bisedimeve me Maqedoninë e Veriut dhe Shqipërinë. Kjo çështje erdhi në agjendën e Samitit të liderëve të BE-së, pasi që më herët nuk u arrit konesus në nivel të ministrave të punëve të jashtme.

Shumica e vendeve anëtare përkrahën nisjen e bisedimeve për Shkupin dhe Tiranën, por Franca kërkon ndryshim të metodologjisë së anëtarësimit.