Kryetari i PDSH-së priti në takim Ambasadorin e Malit të Zi

14:28 | 5 Shkurt 2016
Arbresh.info

Në vazhdën e takimeve me diplomatë të huaj në vend sot Kryetari i Partisë Demokratike Shqiptare z.Menduh Thaçi, në selinë e partisë në Tetovë realizoi takim me Ambasadorin e Malit të Zi, z.Predrag Mitrovic dhe bashkëpunëtorët e tij, znj.Jelena Milacic, Sekretare e parë në ambasadë,  znj.Selma Mehovic, përfaqësuese e qendrës rajonale MARRI, si dhe znj.Tatjana Perovic Mitrova, shefe e departamentit për çështje ekonomike dhe turizëm.

Në këtë takim u diskutua për situatën aktuale politike në vend dhe për zhvillimet politike rajonale. Gjithashtu temë e diskutimit ishte edhe de-bllokimi i proceseve integruese të vendit si dhe demokratizimi i mëtutjeshëm i rajonit.

Bashkëbiseduesit u ndanë të kënaqur nga takimi me premtim se ky bashkëpunim do të vazhdojë edhe në të ardhmen. (INA)

Shpërndaje në rrjete sociale

Lajmet më të lexuara

Të ngjashme

Foto lajm

sq sq