Rekomandimet e coronavirusit anuluan gjykimin e sotëm për parregullsi gjyqësore në rastin ‘Haraçi’, për shkak se njëri nga të akuzuarit po i shfrytëzon masat e Qeverisë për parandalim të virusit.

Seanca e ardhshme është caktuar për me 25 mars ndërsa në seancën e sotme duhej të dëgjohen pesë dëshmitarë, të cilët janë thirrur më seancën e ardhshme, përcjell Telegrafi Maqedoni.

I akuzuari Stanko Korunovski më 13 mars ka njoftuar gjykatën se po përdor masën nga Qeveria e RMV-së për mungesë si prindër i një fëmijë deri në moshë 10 vjeçare për shkak të parandalimin nga coronavirusi.

Lënda udhëhiqet nga gjykatësi Osman Shabani, ndërsa përfaqësuese e aktakuzës është Lile Stefanova.

Në lëndën “Titanik” krahas Gruevskit, Janakieskit dhe Jankulloskës, akuzohen edhe Martin Protugjer, Kiril Bozhinovski, Mile Janakieski, Gordana Jankullovska, Biljana Brishkoska Boshkovski, si dhe Ilija Dimovski, Munir Pepiq, Edmond Temelko, Leko Ristovski, Kiril Todorovski, Katerina Velovska, Stanko Korunovski, Kosta Markovski, Dragçe Dragçeski, Marjan Nakevski, Goce Janevski, Xhezmi Ahmet, Robert Davitkov, Dalibor Aleshkoviq dhe Lenka Rashajkovska.

Ata akuzohen për mohim të së drejtës së votës, ryshfet gjatë zgjedhjeve, shkatërrim të materialit zgjedhor si dhe keqpërdorim të mjeteve për financim të fushatës.