Hunt përshëndet miratimin e ndryshimeve kushtetuese nga Kuvendi i Maqedonisë

11:19 | 12 Janar 2019
Arbresh.info

Sekretari i Jashtëm Jeremy Hunt e përshëndeti miratimin e ndryshimeve kushtetuese nga Kuvendi i Maqedonisë dhe e vlerësoi si rezultat historik.

“Mbretëria e Bashkuar përshëndet fuqishëm votimin në Kuvendin e Maqedonisë në favor të implementimit të Marrëveshjes së prespës. Ky është një moment historik për Maqedoninë”, pohoi Sekretari i jashtëm Britanik Jeremy Hunt.

“Ky proces shënon një hap të madh drejt zgjidhjes së problemit të gjatë rreth çështjes së emrit me Greqinë dhe e afron vendin drejt një të ardhme më të sigurtë, më stabile dhe me prosperitet më të gjërë në zemër të Bashkësisë Euro-Atlantike. Implementimi i Marrëveshjes do të hap mundësi më të mëdha për të rinjtë e Maqedonisë dhe njëherit demonstron se çfarë mund të arrihet me guxim, vendosmëri dhe vizion për të ardhmen”, tha Hant.