Ministri i Shëndetësisë, Venko Filipçe kërkoi nga Inspektorati të inspektojë spitalin në Manastir në mënyrë që të vërtetohen gjendja faktike në spital pas publikimit të fotografive në rrjetet sociale ku shihet se si një pacient pranon infuzion, ndërsa te shtretërit tjerë ka pacientë të vdekur.

Më herët, mjekja Biljana Gagaçovska e cila është edhe drejtore e spitalit të Manastirit njoftoi në Ministri të Shëndetësisë se përderisa një pacient i cili ka qenë në gjendje të rëndë shëndetësore ka pranuar infuzion, dy pacientë të tjerë kanë humbur jetën.

Sipas rregullores, sqarojnë ka thënë drejtorja, kontrolli i pacientit të vdekur bëhet dy orë pas vdekjes në vendin e vdekjes, dhe më vonë 12 orë pas denoncimit dhe se për këtë arsye trupi i të ndjerit nuk është dashur të dërgohet në vendin ku vendosen personat e vdekur.

“Ministria e Shëndetësisë u bën thirrje anëtarëve të familjarëve dhe pacientëve nëse kanë ndonjë dyshim për ndonjë lëshim mjekësor apo për mënyrën e trajtimit, le t’i drejtohen inspektoratit”, thonë nga MSH.