Deputetët miratuan ligjet për ratifikim të marrëveshjeve mes Republikës së Maqedonisë së Veriut dhe Republikës së Greqisë për hapjen e dy vendkalimeve kufitare, njëri vendkalim është në rajonin e Liqenit të Ohrit dhe tjetri në Majden në shtetin tonë dhe Promahoi në Greqi.

Këto dy ligje për ratifikim vinë si rezultat i nismës së përbashkët të deputetëve nga të gjitha grupet kuvendare. Siç theksuan ata, vendkalimet kufitare do të jenë të rëndësishme për këmbimin tregtar dhe ekonomik mes dy vendeve, i rëndësishëm për turizmin dhe për qytetarët që jetojnë në afërsi të vendkalimeve, përcjell Telegrafi Maqedoni.

Marrëveshja për vendkalimin kufitar Majden – Promahoi është arritur më 2 prill të vitit 2019 në Shkup, dhe vjen si rezultat i Marrëveshjes së Prespës.

Aty parashihet që dy shtet në territorin e vet të ndërtojnë, rikonstruktojnë dhe mbindërtojnë infrastrukturën e nevojshme për funksionimin e vendkalimit kufitar.