“Gjitha mesazhet që i kemi marrë nga BE-ja janë që PSP duhet të vazhdojë të punojë si Prokurori e veçantë”, tha sot ministrja e Drejtësisë, Renata Deskoska, para takimit me përfaqësuesit e OBRM-PDUKM-së, të cilët kanë dorëzuar 65 amendamente për Ligjin për Prokurorinë Speciale.

“Edhe deklaratat e sotme të ambasadorit Zhbogar janë në këtë drejtim – se mund të shpresojmë në ndihmë nga Brukseli nëse vetëm PSP-ja është e veçantë, me mandat të përhershëm dhe kompetenca konkrete. Shpresoj që këto mesazhe t’i dëgjojë edhe OBRM-PDUKM-ja, pasi janë kusht për hapjen e negociatave me BE-në”.

Zhbogar: Është e rëndësishme që PSP të vazhdojë të ndjek ato të cilët janë përgjegjës

Zhbogar: Është e rëndësishme që PSP të vazhdojë të ndjek ato të cilët janë përgjegjës

“Nuk mund të pranojmë ligj që do të jetë për interesa personale. Ligji duhet të ketë standarde dhe kjo është vija e kuqe të cilën nuk mund ta kalojmë”, tha Deskoska.

Ajo shtoi se është i papranueshëm amendamenti i opozitës maqedonase, me të cilin kërkohet që gjitha hetimet të ndërpriten prej formimit të PSP-së deri tani.

Deskoska shtoi se do të ketë takime edhe me tetë deputetët e pavarur të OBRM-PDUKM-së, prej të cilëve presin mbështetje për Ligjin për Prokurorinë Publike./Telegrafi/