Deri tani në Maqedoni janë vaksinuar mbi 76 mijë persona

16:05 | 4 Maj 2021
Arditë Shkodra

Në Maqedoni deri tani janë vaksinuar 76.937 qytetarë, ndërsa dy doza të vaksinës kanë pranuar 15.334 persona.

Vaksinimi filloi më 17 shkurt me vaksinimin e punonjësve shëndetësorë, ndërsa deri tani në Maqedoni ka vaksina “Pfizer”, “AstraZeneca”, “Sputnik V”, dhe vaksinat kineze “Sinofarm”.

Që nga 5 prilli filloi vaksinimi masiv në sallën “Boris Trajkovski” në Shkup, ku krahs punonjëseve shëndetësorë u vaksinuan edhe persona nga popullata kritike.

“Deri më 02.05.2021, me ‘Pfizer/Biontek’ janë vaksinuar 19.858 qytetarë (19.933 me dozën e parë dhe 3.925 me dozën e dytë), me ‘Sputniki V’ janë vaksinuar 34.177 (22.768 me dozën e parë dhe 11.409 me dozën e dytë), me ‘Astra Zeneca’ janë vaksinuar gjithsej 21.949 pacientë dhe me ‘Sinofarm’ janë vaksinuar 953 persona”, njoftojnë nga Instituti për Shëndet Publik.